Vestlandskappleiken

11.-13. oktober arrangerer Gamlebanken Spelemannslag vestlandskappleik! For fyrste gong på mange år vert kappleiken i Førde, på Rica Sunnfjord Hotell. 

Vi satsar på ein kappleik med mange kjekke klassar, dans til langt på natt og generelt god stemning. Erlend Apneseth vil ha konsert fredagskvelden før tevlingar og dans set i gang for fullt. I god Gamlebanken-ånd vil det konkurrerast i både bygdedans- og runddans-spel, og vi håpar også å fylle golvet i den særs populære runddanstevlinga i dans. Det vil verte tevlingar både fredag og laurdag, der høgdepunktet vert ein staseleg tevlingskonsert med utdeling av Audhild Flaktveit Moxnes sin minnepris laurdag kveld.

Det ryktast om at alt før påmeldinga er starta er det nokre som har flagga deltaking i opptil fleire klassar. Meld deg på du og, dette blir kjekt!

Sjå www.vestlandskappleiken.no for påmelding, overnatting osb.